செரிமானக் கோளாறுகள் வராமல் பாதுகாக்க

Care For Digestive Disorders

1. கால்களை நீட்டி அமருங்கள். குதிங்கால்கள் ஒன்றையொன்று தொட வேண்டாம்.
2. முடிந்தளவு முன்னால் வளைந்து, நெற்றியை முழங்கால்களின் மேல் வைக்கவும் (முழங்கால்களை மடக்க வேண்டாம்).
3. பாதங்களைக் கைகளால் பிடித்துக்கொள்ளவும்.

1. அதே ஆஸனத்தில் அமரவும்.
2. சாதத்தை ஒவ்வொரு கவளமாகச் சாப்பிடுவதுபோல,மெது மெதுவாகச் சுவாசத்தை உள்ளிழுங்கள்.
3. முழுமையாக சுவாசித்த உடனேயே, தொண்டையை இறுக்கமாக்கிக் கொள்ளுங்கள்.
4. பின் தாடையை நெஞ்சின் மீது வையுங்கள்.
5. எவ்வளவு நேரம் முடியுமோ அவ்வளவு நேரம் இந்த நிலையிலேயே சுவாசத்தை உள்ளேயே நிறுத்துங்கள்.
6. பிறகு தாடையை நெஞ்சிலிருந்து விடுவித்து, தொண்டையைத் தளர்வாக்கி, தொண்டையிலிருந்து மெதுவாகக் காற்றை வெளியேற்றுங்கள்.
7. இதை 21முறைகள் செய்யுங்கள்.

1. தொப்புள் பகுதி நிரம்புமாறு சுவாசத்தை முழுவதுமாக உள்ளிழுக்கவும்.
2. எவ்வளவு முடியுமோ அவ்வளவு நேரம் சுவாசத்தை உள்ளேயே நிறுத்தி, அது உடல் முழுக்க பரவுவதாக பாவனை செய்யவும்.
3. பிறகு தொப்புள் பகுதியில் நெருப்பு இருப்பதைப் போன்று பாவனை செய்யுங்கள்.
4. உங்களால் இனியும் சுவாசத்தை உள்ளே நிறுத்த முடியாது எனும்போது, சுவாசத்தை  மெதுவாக வெளிவிடவும்.
5. இதனை 21 முறைகள் செய்யவும்.

1. அதே ஆஸனத்தில் அமரவும்.
2. இரு நாசித்துவாரங்களின் வழியாகவும் வாயின் வழியாகவும் ஒருங்கே சுவாசத்தை உள்ளிழுக்கவும்.
3. முடிந்த அளவு நேரம் சுவாசத்தை உள்ளடக்கவும்.
4. பின்னர் தளர்வாக, இரு நாசித்துவாரங்கள் வழியாக சுவாசத்தை வெளிவிடவும்.
5. இதை 21 முறைகள் செய்யவும்.

1. அதே ஆஸனத்தில் அமரவும்.
2. இடது நாசி வழியாக சுவாசத்தை உள்ளிழுக்கவும்.
3. முடிந்த அளவு நேரம் சுவாசத்தை உள்ளடக்கவும்.
4. சுவாசத்தை வெளிவிடாமல், வலது நாசி வழியாக சுவாசத்தை உள்ளிழுக்கவும்.
5. முடிந்த அளவு நேரம் சுவாசத்தை உள்ளடக்கவும்.
6. சுவாசத்தை வெளிவிடாமல், இரு நாசிகளின் வழியாகவும் சுவாசத்தை உள்ளிழுக்கவும்.
7. முடிந்த அளவு நேரம் சுவாசத்தை உள்ளடக்கவும். (இவையனைத்தையும் சுவாசத்தை வெளிவிடுவதற்கு முன் ஒரேயடியாகச் செய்யவும்).
8. பின்னர் தளர்வாக இரு நாசிகளின் வழியாக சுவாசத்தை வெளிவிடவும்.
9. இதை 21 முறைகள் செய்யவும்.

1. வேக வேகமாக சுவாசத்தை வெளிவிடவும்; சுவாசத்தைவெளிவிடும் போது வயிற்றை உள்ளிழுத்து மேலே இழுக்கவும்.
2. உடலை தன்னாலேயே சுவாசத்தை உள்ளிழுக்க அனுமதிக்கவும்.
3. இதை 21 முறைகள் செய்யவும்.

1. கொல்லனின் உலைத் துருத்தி போன்று வேக வேகமாக இரு நாசிகளின் வழியாகவும் சுவாசத்தை உள்ளிழுத்து வெளிவிடுங்கள். சுவாசத்தை உள்ளிழுத்து வெளிவிடும்போது உங்கள் இதயப்பகுதி சுருங்கி விரிவடைய வேண்டும். நீங்கள் களைப்படையும்வரை இதைச்செய்யுங்கள், பின்பு வலது நாசி வழியாக மட்டும் மூச்சை உள்ளிழுக்கவும்.
2. உள்ளிழுத்து முடித்தவுடன், தாடையை மார்பின் மீது அழுத்தி சுவாசத்தை உள்ளே நிறுத்தவும். இதனால் தொண்டைப் பகுதி அடைக்கப்படும்.
3. உங்களால் முடிந்தளவு நேரம் சுவாசத்தை உள்ளே நிறுத்தவும்.
4. இனியும் சுவாசத்தை உள்ளே நிறுத்த முடியாது எனும்போது, தாடையை தளர்த்தி இடது நாசி வழியாக சுவாசத்தை வெளிவிடவும்.
5. இதனை 21 முறைகள் செய்யவும்.