நினைவாற்றலில் பிரச்சினை வராமல் பாதுகாக்க

Care For Memory Problems

1. பத்மாஸனத்தில் இருந்தபடியே ஓம்கார மந்திரத்தை நீண்ட நேரம் மெலிதாக உச்சரித்துக்கொண்டே சுவாசத்தை உள்ளிழுங்கள்.
2. நாபிக்கமலத்திலிருந்து எழும் ஓம்கார நாதம், அனாஹதம், விசுத்தி, ஆஜ்ஞா சக்கரங்கள் வழியாகப் பயணம்செய்து ஸஹஸ்ரார சக்கரத்தை அடைவதை உணருங்கள்.
3. உங்களால் மேற்கொண்டு சுவாசத்தை உள்ளிழுக்க முடியாதபோது, ஓம்கார மந்திரத்தை மெலிதாக உச்சரித்துக்கொண்டே சுவாசத்தை வெளியேற்றவும்.
4. இதை 21முறை செய்யுங்கள்.

1. அதே ஆஸனத்தில் தொடர்ந்து அமர்ந்திருங்கள்.
2. இடது நாசி வழியாக சுவாசத்தை உள்ளிழுக்கவும்.
3. முடிந்த அளவு நேரம் சுவாசத்தை உள்ளடக்கவும்.
4. சுவாசத்தை வெளிவிடாமல், வலது நாசி வழியாக சுவாசத்தை உள்ளிழுக்கவும்.
5. முடிந்த அளவு நேரம் சுவாசத்தை உள்ளடக்கவும்.
6. சுவாசத்தை வெளிவிடாமல், இரு நாசிகளின் வழியாகவும் சுவாசத்தை உள்ளிழுக்கவும்.
7. முடிந்த அளவு நேரம் சுவாசத்தை உள்ளடக்கவும். (இவையனைத்தையும் சுவாசத்தை வெளிவிடுவதற்கு முன் ஒரேயடியாகச் செய்யவும்).
8. பின்னர் தளர்வாக இரு நாசிகளின் வழியாக சுவாசத்தை வெளிவிடவும்.
9. இதை 21முறை செய்யுங்கள்.
   

1. அதே ஆஸனத்தில் அமரவும்.
2. இரு நாசித்துவாரங்களின் வழியாகவும் வாயின் வழியாகவும் ஒருங்கே சுவாசத்தை உள்ளிழுக்கவும்.
3. முடிந்த அளவு நேரம் சுவாசத்தை உள்ளடக்கவும்.
4. பின்னர் தளர்வாக, இரு நாசித்துவாரங்கள் வழியாக சுவாசத்தை வெளிவிடவும்.
5. இதனை 21 முறை செய்யவும்.